Røkt av rennibreytum

Leiðbeining um, hvussu kunstigar rennibreytir verða røktar

Inngangur

Tað eru 3 sløg av breytum. Poknutar, tívskinnaðar (sandwich), og gjøgnumheilar (massivar) breytir. Breytin er plaststoypt við polyuretan (polyurethane) resin og maldum gummi.

Kunstigar breytir varðveita góðskuna í mong ár, um:

  • Hóskandi fótbúnaður verður brúktur á breytini, sum t.d. vanligir renniskógvar, skógvar við stuttum píkum (í mesta lagi. 6 mm), gummi- og fimleikaskógvar og onnur sløg av bleytum skóm við bleytum sóli.
  • Tungar maskinur og hvøss ella hørð útgerð skal ikki nýtast, tí váðin fyri, at breytin fær skaða er ov stórur.
  • Í flestum førum kann vit og skil avgerða, hvørji amboð kunnu brúkast á breytini, uttan at hon fær skaða.

Viðmælt útgerð til røkt av breytini:

  • 4-hjólaður, battarírikin traktorur við breiðum dekkum við lágum trýsti.
  • Ídnaðarmaskina av merkinum “Hako” el.tíl. við ásettum bleytum bustum.
  • ​1 meturbreiðar bustir við nálum úr plasti el. nailoni.
  • Leyvsúgvari av merkinum “Billygoat” ella líknandi.

Røkt:

Kunstigar breytir vera brúktar nógvastaðni í heiminum og lúka krøvini, ið eru sett av flestu ítróttagreinum. Kunstiga flatan krevur ikki nógva røkt, heldur ikki krevur hon stórvegis fyrireiking, áðrenn nýtslu. Tó, so eru nakrar skilareglur, ið vit mæla til, so breytin altíð kann vera í besta standi:

  • Sópa breytina 1 ferð um vikuna, fyri gras, smásteinar, sand, bløð, greinar, rusk frá áskoðarum o.tíl.
  • ​Skola breytina við reinum vatni av og á. Eisini ber til at brúka vaskievni, ið ikki skúmar, áðrenn breytin verður skolað við reinum vatni. Á henda hátt verður vanlig óreinska úr luftini vaskað burtur, og breytin sær altíð rein og frísk út.

Linjumerking:

Linjumerking, litir og tílíkt skulu við hvørt merkjast av nýggjum — uml. 2-4 hvørt ár. Bitlar úr luftini, smásteinar, sandur og UV-strálur slíta merkingarnar á breytini meira enn hvat daglig nýtsla ger. Tað hevur við sær, at kantarnir á linjunum tykjast ójavnir. Ein málingablanding við polyuretan (polyurethane) kann brúkast til at merkja linjur, litir og tílíkt aftur.

​PDF

pdf​  Vedligeholdesmanual printvenlig - Læs her

​Venjing av vallarvørðum:

  • Um tað ber til, skal ein vallarvørður verða til staðar allar venjingartíðir og tryggja, at útgerðin til røkt verður brúkt á rættan hátt.
  • ​Vit mæla til, at venjingin fer fram soleiðis at breytin kann røkjast við jøvnum millumbili. Tí er tað ein fyrimunur, um venjingarnar ikki at eru á sama staði hvørja ferð.
  • Tað er umráðandi at hava ávís støð á breytini, har møgulig akfør, til røkt, kunnu koma framvið. Til ber at leggja polyethylen, í rullum, á støðini og síðani leggja træplátur omanyvir. Á tann hátt er breytin vard fyri møguligum oljuleka frá akfarinum. Um olja lekur á breytina skal bletturin burturbeinast, so skjótt sum til ber, fyri at forða fyri, at hann festist.
  • ​Kunstigar breytir eru dýrar, og tí skal altíð farast væl um tær. Ábyrgdarleys viðfer kann skjótt elva til óneyðugar útreiðslur.

Sáttmáli um røkt

  • Tað er møguligt at skriva undir ein árligan sáttmála um røkt við ymisk feløg. Sáttmálin eigur at fevna um:
  • Skrivliga frágreiðing sum úrslit av gjøllari kanning og meting av breytini.
  • ​Umvæling av sliti og møguligum skaðum á breytini.
  • Neyva vasking við sergjørdari reingerðarútgerð.
  • Kanning og, um so skuldi verið, endurmerkjan av linjum á tennisvøllum við atliti til galdandi viðtøkur.
  • Um neyðugt, umvæling og/ella útskifting av flatum, í verandi pits.

​Ynskja tit eina slíka tænastu, eru tit vælkomin at seta tykkum í samband við okkum.

Trine Laiderz: trine@laiderz.dk ella (+45) 41 29 61 43

Ásvald Simonsen: simonsen@laiderz.dk ella (+45) 26 74 54 20

LAIDERZ ApS

Fuglebækvej 2A, 1. th, 2770 Kastrup

DK +45 32 51 07 00 ​omstilling til medarbejdere

​E-mail: info@laiderz.dk

CVR 35038981

Norge

Sletta Næringspark

Postboks 144

1556 Son

Norge: +47 9700 5420

E-mail: info@laiderz.no 

Org. nr. 920 813 410​

Links

GDPR